கொரோனாவுடன் தொடர்புடைய லேசான அறிகுறிகளை பெற்றால் வீட்டில் இருந்தபடி மீள்வது எப்படி? சில பயனுள்ள தகவல்கள்

கொரோனா வைரசுடன் தொடர்புடைய லேசான அறிகுறிகளான, காய்ச்சல், வறட்டு இருமல் போன்றவைகள் இருந்தால், அதில் இருந்து மீள்வது எப்படி என்பது குறித்து சில தகவல்கள் வெளியாகியுள்ளன.

உலகசுகாதார அமைப்பு கொரோனாவால் எராளமான மக்கள் லேசான அறிகுறிகளை பெற்று அதில் இருந்து குணமடைந்திருப்பதாக கூறுகிறது.

அதாவது கொரோனா வைரசுடன் லேசான அறிகுறிகளை அனுபவிப்பவர்கள், சுய தனிமைப்படுத்திக் கொள்வது நல்லது என்று கூறப்படுவதுடன், வீட்டில் இருப்பதன் மூலம் பரவும் வீதத்தை குறைக்க முடியும்.

கொரோனாவுடன் தொடர்புடையதாக கூறப்படும், பொதுவான அறிகுறிகளாக, காய்ச்சல், வறட்டு இருமல், சோர்வு மற்றும் மூச்சுத் திணறல் ஆகியவை உள்ளது.

இதில் குறைவான அறிகுறிகளை பெற்றிருப்பவர்கள் மருந்தகமோ, மருத்துவமனைக்கோ செல்ல வேண்டாம் என்று அறிவுறுத்தப்படுகிறது.

அதற்கு பதிலாக அவர்கள் வீட்டில் இருந்த படியே குணமடையலாம், அதற்கும் மீறி மருத்துவ ஆலோசனை தேவைப்பட்டால் NHS 111 என்ற அவசர சேவையை பயன்படுத்தலாம்.

லேசான அறிகுறிகளை கொண்டிருப்பவர்கள் வழக்கமாக வீட்டில் நிர்வகிக்க முடியும், இருப்பினும் மருத்துவ உதவியை நாடுவது எப்போது பொருத்தமானது என்பதையும் நீங்கள் தெரிந்து கொள்ள வேண்டும்.

அறிகுறிகளை போக்க வீட்டினுள் இருக்கும் போது என்ன செய்ய வேண்டும்
தண்ணீர் குடிக்க வேண்டும்
உடலில் ஒட்டு மொத்த ஆரோக்கியத்தையும் பராமரிக்க, உடலில் நீரேற்றம் இருப்பது எப்போதும் முக்கியம், இது தலைவலி உள்ளிட்ட அறிகுறிகளை நீக்கும்

நாள் ஒன்றிற்கு இரண்டு லிற்றர் தண்ணீர் குடிக்க பரிந்துரைக்கப்படுகிறது, ஆனால் தேவையான அளவு நபருக்கு நபர் மாறுபடும்.

ஊட்டச்சத்து நிபுணரான Amanda Ursell பிரல ஆங்கில ஊடகம் ஒன்றிற்கு அளித்த பேட்டியில், சிறுநீர் நீரேற்றத்தின் ஒரு நல்ல அறிகுறி என்று கூறினார்.

அதாவது, சிறுநீர் வெளிர் மற்றும் தெளிவாக இருந்தால் மிகவும் நல்லது. அதுவே இது அடர் ஆரஞ்சு மற்றும் மெல்லியதாக இருந்தால், நீங்கள் தண்ணீரின் அளவை அதிகமாக எடுத்து கொள்ள வேண்டும்

நீரிழப்பின் அளவை அதிகரிக்கும் என்பதால் இந்த சமயத்தில், ஆல்கஹாலை தவிர்க்க வேண்டும்.

பாராசிட்டமால் எடுத்துக் கொள்ளுங்கள்
ibruprofen-ஐ காட்டிலும், பாராசிட்டமால் எடுத்து கொள்வதன் மூலம் இது உடலின் வெப்பநிலையை குறைக்க உதவும் என்று NHS அறிவுறுத்துகிறது.

ibruprofen எடுத்து கொண்டால் அறிகுறிகளை மோசமாக்கும் என்பதன் காரணமாகவே, NHS பாராசிட்டமலை கூறுகிறது.

ibruprofen கொரோனா வைரஸைமோசமாக்கும் என்பதற்கு தற்போது வலுவான சான்றுகள் எதுவும் இல்லை.

ஆனால் எங்களிடம் கூடுதல் தகவல்கள் கிடைக்கும் வரை, கொரோனா வைரஸின் அறிகுறிகளுக்கு சிகிச்சையளிக்க பாராசிட்டமால் எடுத்துக் கொள்ளுங்கள், உங்கள் மருத்துவர் பாராசிட்டமால் உங்களுக்குப் பொருந்தாது என்று சொல்லவில்லை என்றால் என NHS கூறுகிறது.

ஓய்வெடுத்து நன்றாக தூங்குங்கள்
கொரோனா வைரசுடன் தொடர்புடைய முக்கிய அறிகுறிகளில் ஒன்று சோர்வு உணர்வு, இது உங்கள் உடல் ஆற்றலைப் பயன்படுத்தி தொற்றுநோயை எதிர்த்துப் போராடுவதற்கும் மீட்கப்படுவதற்கும் காரணமாகிறது.

தூக்கம் ஆற்றலை நிரப்பவும், மீட்புக்கும் உதவும், இதன் காரணமாக நீங்கள் ஓய்வை மறுக்கக்கூடாது.

அறிகுறிகள் இருக்கும் போது, நீங்கள் எந்தவொரு தீவிரமான உடற்பயிற்சியையும் செய்யக்கூடாது, இது உங்கள் உடலில் கூடுதல் சிரமத்தை ஏற்படுத்தும், ஆனால் ஒரு நடை போன்ற ஒளி செயல்பாடு உங்களுக்கு நன்றாக தூங்க உதவும்.

எப்போது உதவி பெற வேண்டும்?
உங்கள் அறிகுறிகள் மோசமடைந்துவிட்டால், உங்களிடம் கொரோனா வைரஸ் அறிகுறிகள் இருக்கிறதா என்று சோதிக்கவும், அடுத்து என்ன செய்வது என்பது குறித்த கேள்விகளுக்காகவும் உடனடியாக அவசர எண்ணான 111 சேவையைப் பயன்படுத்த வேண்டும்.

ஒரு மருத்துவ நிபுணருடன் தொலைபேசி அழைப்பிலோ அல்லது வீடியோ கால் மூலம விளக்கலாம்.

You might also like